Online Account Zeitindah Kan Hman Ding A Si !

Online bia tak deuh a hmang rih lo mi le a thei tuk cang mi hna nih cun rel ding ah nan ruah lai lo nain a tanglei ka tial mi hi Online ah ton cio mi harnak ah a tel peng mi a si caah kan thiam ah cun a sual lai tiah ka ruah lo , Hmailei Online kan hmang chin lengmang lai Caah Online ah zeitindah Account kan tuah mi hi kan hmang ding a si timi a tanglei ah hin kan chiah piak hna . rel a zuam mi le thei a duh mi nih van ka zoh piak te uh , ka tlamtling lonak a um si le ka ngai thiam te uh

Online Account Kong cu a theithiam mi tampi kan um cang , nain Cheukhat cu Nizan te ah Online hman a thiam mi kan um , Online kan hman tik ah kan hman bik mi hna cu Facebook,Gmail hi an si lai tiah keimah pumpak in ka ruahnak a si , Cucaah Zeitindah Facebook , Gmail Account kan tuah tik ah Zeitindah Password kan pek ding a si , Kan hawi dang nih kan Facebook,Gmail Password fawi tein an theih khawh lonak ding ah zeitindah kan i ralring lai timi kha van langh ter ka duh , ka chim cia ka nawlh than lai ” thiam cia mi nan tampi ko nain Nizan hrawng in Online a hman mi hna caah ka van tial mi hi a si ”

Gmail :
Online a hman mi hna nih kan hman dih cio mi a si i Kan hawi , unau Ca,Hmanthlak,Video kuat kan duh tik ah hman mi a si i hlan lio Facebook hman a rak um hlan deuh ah laimi tampi zong nih kan rak hman ngai mi a si , Cucaah Gmail Account pakhat na ngeih ah cun cu na gmail cun Facebook pakhat tuah khawh a si ,

Gmail Password :

Gmail Account Pakhat na tuah tik ah Username ah nangmah na duh mi cu na pek khawh , Password bal te ah a fawi tuk mi biafang hman lo ding ah ruahnak pek kan duh hna,

Tahchunnak :

Na Gmail Username ah rampengthang@gmail.com a si ah cun na Password ah rampengthang hman lo ding bak a si lai , hi bantuk username le Password a lo mi cu Hacker chim lo na hawi nu na hawi pa hmanh nih fawi tein a theih khawh lai ,
Cucaah Online Account Pakhat na tuah tik poah ah A tanglei Password ning hi hman khawh i zuam law cu na hman mi Password cu nangmah Pumpak hrimhrim in i chinchiah khawh i zuam , Philh a hngah lai lo,

Password Zeitindah Kan Hman Lai :

Username ah rampengthang@gmail.com a si ah cun
Password ah Rampengthang#123 ti zong in hman khawh a si

Password pek ding ah a hram thawknak hi Cafang a ngan mi a si a hau i , cafang hme nih a zulh dih hnu ah #@%& mah hna nih na chap khawh hna cun Number nih zulh ter ah a tha
a tu bantuk in Passowrd na hman piak a si ah cun na hawi nu na hawi pa nih na Account Password an theih kho ti lai lo ,

LAIMI Cheukhat Kan Pallh Mi :

Facebook Account

Laimi tampi cu Facebook kan hman nain Facebook kan hman Account hi mah tein i tuah si lo in mi nih a kan tuah piak mi a tam deuh cucu kan caah tih nung ngai mi a si , a fawinak in ka chim lai , Facebook Account pakhat kan tuah duh tik ah hmasabik ah Gmail Account pakhat tuah hmasa a hau cu Gmail Account pakhat kan tuah mi in Facebook Account pakhat kan tuah khawh , Cucaah Facebook pakhat na tuah tik ah Facebook na tuahnak na gmail le na password tiang kha theih a hau chih ,
Facebook Na tuahnak Gmail Account le Password cu zeiruang ah dah theih chih a hau ti ah cun Facebook na Password kha nangmah na duh ning tein na thlen ko zong ah Na Gmail Account , Password an theih piak tu pa nih a duh tik caan ah fawi tein a thlen khawh ve ,

Cucaah Facebook Account pakhat kan tuah a si ah cun , Gmail Account le Password tiang tlamtling tein na theih hnu lawng ah na Facebook kha hman i zuam , Dawr ah na tuah ter a si zong ah na hawi pa na tuah ter mi a si zong ah gmail Account zeitindah a si ti kha hal piak,

Apple Store ( iTune Account )

iPhone Cu Kan ngei nain iPhone ah a hreh bik mi Apple ID tuah khi kan thiam hoi hna lo , cutik ah Dawr si lo le Kan hawi le kan fial hna i iTune Account Username le Password lawng a kan chim i kan i nuam ngai , Kan Apple ID an tuahnak Gmail Username le Password hal kan philh tawn hna , Cucaah A cunglei kan tial cang bantuk in Apple ID na tuah tik zong ah na Apple ID Username le Password pi lawng kha theih lo in na Apple ID an tuahnak Gmail USername le Password tiang zong hal chih hna , cu na hal tik hna ah a tuah tu pa nih Password a pek mi kha nangmah nih na duh mi in thlen piak i zuam ,

Password Thlen ning cu ka tial ti lai lo , Setting cio ah a um ko caah nan thiam lai ti ka zumh i tlamtling lo nak le theih chap na duh mi a um sual ah cun Comment in van hal te uh law ka rak tial te lai ,

Zeitindah Gmail Account Delete Kan Tuah Lai
TeamViewer Free 15.20.3 Multilingual Full

Leave a Comment

Your email address will not be published. Required fields are marked *